206               TESTAMENTS ENREGISTRÉS AU PARLEMENT DE PARIS            (446)
Item, il donna et laissa pareillement à l'ainsnée fille du dit George, pour Ie bien et avancement de son mariage, la somme de quatre cens livres Tournois, laquelle somme sera baillée et delivrée par ses dis exe­cuteurs à ycelle fille au iraictié de son dit mariage, et, se elle aloit de vie à trespassemenl avant qu'elle feust mariée, il voult et ordena la dicte somme de quatre cens livres Tournois estre donnée et distribuée par ses dis executeurs ou l'un d'eulx à povres pour Dieu.
Item, il voult et ordena estre prins sur tous ses dis biens la somme de douze cens livres Tournois, et ycelle somme estre mise en tel lieu de commun de Gennes, comme bon semblera à ses dis executeurs, et que Gandoulfe de Poldio de Gennes, oncle de par mere du dit testa­teur, joysse et use sa vie durant des proufis et revenues d'icelle somme de douze cens livres Tournois, et que après le trespasseraent du dit Gandoulfe la dicte somme de douze cens livres Tournois soit prinse par ses dis executeurs ou l'un d'eulx, et ycelle emploiée et convertie pour faire le pont du bourc de Voutery, ou dit païs de Gennes, par telle condicion que le dit Gandoulfe ne puisse Chargier ne obligier, sa dicte vie durant, la dicte somme ne les proufis et revenues d'icelle.
Item, il donna et laissa à maistre Ange, son phizicien, la somme de deux cens escus.
Item, il donna et laissa toutes ses robes quelxconques estans à Paris à Nicole, femme de Gabriel Fatinent.
Item, il donna et laissa à Marion, fille du dit Gabriel, .femme de maistre Jehan de.la Haye, la somme de deux cens frans, pour estre emploié en heritage pour la dicte Marion et ses hoirs de son costé et ligne.
Item, il voult et ordena estre prins sur tous ses biens la somme de deux cens livres Tournois, pour icelle estre donnée et distribuée par Jehan Sac oà le confesseur du dit testateur lui ordenera.
Item, il voult et ordena, oultre les lais par lui fais à sa dicte fille, qu'elle ait et lui soit baillie par les dis executeurs la somme de mil livres Tournois, ou cas que son execucionle pourra souffrir et endurer.
Item, il laissa au roy nostre sire la somme de dix livres Tournois.